Impakaamo ni Commission on Elections (Comelec) chairperson George Garcia a narisuten ti poll body ti amin a pending local nuisance cases babaen ti division ken en banc.
Sigun iti nasao nga opisial, awanen ti kaso dagitoy iti Comelec end banc ken division.
Ti eleksion ket maisayangkat inton Mayo 2025.
Pinasingkedan ti Comelec en banc idi kalman ti desisionda a mangkanselar iti kandidatura ti sumagmamano nga indibidual para iti Mayo 2025 a panagbutos.
Iti agsina a resolusion, inwaragawag ti poll body ti pannakakanselar dagiti kandidatura dagiti agngayangay.
Immunan nga inwaragawag ti Comelec en banc nga imbasurana ti motion for reconsideration (MR) a manglapped iti senatorial bid ni detained religious leader Apollo Quiboloy iti Eleksyon 2025 gapu iti kinakurang ti merit.
Iti resolusion a nairuar idi Biernes, inlibak ti Comelec en banc ti motion for reconsideration (MR) nga impila ti senatorial aspirant ken Workers and Peasants’ Party’s Sonny Matula a nangikalikagum a mangballiktad iti desision ti Comelec First Division a mangipalubos kenni Quiboloy nga agkandidato iti Senado.
