Addan iti person of interest dagiti otoridad seknan iti panakapalpaltog ti sigud nga acting manager iti Puerto Princesa International Airport idi Hwebes,February 19.
Sigun iti Puerto Princesa City Police Office, addaan dagitoyen iti inisyal nga impormasyon a mangitudtudo iti dua nga indibidawal a posible a suspek iti nasao a krimen babaen metlaeng iti naalada a footages manipod kadagiti closed-circuit television (CCTV) cameras.
Ti biktima a nabigbig iti nagan a Joanna Jonson-Infante ket napalpaltugan pasado alas sinco iti malem iti nasao a petsa idiay Bayview Road, Barangay San Pedro, Puerto Princesa City.
Sigun iti kapulisan idiay Puerto Princesa, nagsagrap ni Infante iti multiple gunshots.
Naitaray pay ti biktima iti pagagasan ngem pimmusay metlaeng.
Gapu iti dayta, kiniddaw ti Civil Aviation Authority of the Philippines (CAAP) ti nainget nga imbestigasyon iti inladawanda nga senseless act of violence.
Iti agdama, manarimaanen ti nainget a koordinasyon ti aviation authority ken dagiti daduma pay a local law enforcement agencies para iti imbestigasyon iti nasao a krimen.
