--Ads--
BAGUIO CITY – Puntirya ti City Environment and Parks Management Office (CEPMO) a mangipasdek iti maysa a pet-friendly park ditoy siudad ti Baguio.
Sigun kenni Atty. Rhenan Diwas, dadaulo ti CEPMO, dumanon iti P15-M ti naituding nga ilatang ti konseho ti siudad para iti nasao a proyekto.
Dinakamatna a babaen iti daytoy ket maipatakder dagiti pasilidad ken maikabil dagiti pagbasuraan iti naglikmutan ti parke tapno maipanamnama latta ti kinadalus ti aglawlaw.
Kinunana nga iti kanito a maaramid ti nasao a parke a nairanta para kadagiti taraken nga animal ket daytoy ti kaunaan a pet-friendly park ditoy lokalidad.
