Imbasura ti Commission on Elections (Comelec) ti petision a mangdiskwalipikar ti naibalud a televangelist a ni Apollo Quiboloy manipod iti panagtarayna iti eleksion inton sumaruno a tawen.
Iti maysa a desision, kinuna ti Comelec First Division nga adda ti kinakurang ti ebidensia nga indatag ti Petitioner a mabalin a mangkombinsir iti Commission on Elections (Comelec) a ti Respondent ket rumbeng a maideklara a kas maysa a nuisance candidate.”
Ti petision nga impila ni labor leader Sonny Matula ket nangidarum kenni Quiboloy a “material misrepresentation” daytoy ken kiniddawna iti Commission on Elections (Comelec) a madiskwalipikar kas kandidato ti kinasenador a nangipaganetget a ti nominasion ni Quiboloy babaen ti Workers’ and Peasants’ Party (WPP) ket awan ti kinaagpaysuanna ken awan ti ligal a pangibasaranda.
Sigun kenni Matula, ti certificate of nomination and acceptance ni Quiboloy ket napirmaan babaen iti agnagan ti Mark Tolentino, a mapapati a saan a maysa nga opisial wenno kameng ti Workers’ and Peasants’ Party (WPP).
Nupay kasta, kinuna ti nasao nga ahensia a masapul a dismiss-da ti petision gapu iti saan a panangtungpal ni Matula kadagiti pagannurotan a ti petision a mangideklara iti maysa a kandidato kas nuisance candidate ket saan a mabalin a maitipon iti dadduma a rason .
Para iti nasao nga ahensia, ti agdama a petision ket saan a pudno ken awan ti legal a pangibasaranda.
Maipalagip nga idi Oktubre baente uno, impablaak ni Quiboloy a ituloyna a tumaray iti kinasenador kas independent inton Eleksion 2025.
