Naipila ti maysa a petision iti Commission on Elections a mangdiskwalipikar ken da Rep. Erwin Tulfo, Rep. Jocelyn Tulfo, Rep. Ralph Wendel Tulfo, Wanda Teo, ken Ben Tulfo gaputa mapapati a saanda a kwalipikado a kandidato iti aniaman a public office.
Ti nangipila ti petision ket ti abogado a ni Virgilio Garcia nga atapenna a paset ti political dynasty dagiti Tulfo ken mapapati a saanda a natural-born Filipino citizen iti sidong ti Konstitusion.
Ikalkalintegan ni Garcia a “disqualified” dagiti nasao nga indibidual iti sidong ti 1987 Constitution ken awanan iti kualipikasion a kalikaguman ti Konstitusion.
Iti petision, dinakamat ni Garcia a dagiti Tulfo ket paset ti agpada a pamilia, a maiparit ti urnosda babaen ti 1987 Constitution.
Ni Representative Erwin Tulfo gamin ket angayangay kas senador; ni Rep. Jocelyn Tulfo nga asaw ni Senador Raffy Tulfo ket maysa a “reelectionist”; ti anak ni Jocelyn ken Raffy a ni Representative Ralph Tulfo ket reelectionist iti 2nd district ti Quezon City; Tulfo-Teo ket first nominee ti Turismo party-list bayat a ni Ben Tulfo ket agngayangay kas senador.
Maipalagip a ni Erwin Tulfo ket nalapdan nga agbalin a secretary ti social welfare department gapu iti pakaseknanna iti citizenship.
Kinuna ni Garcia a nagserbi pay ni Erwin iti U.S Army ken addaan ti US passport usarna ti saan a pudno a nagan.
Iti agdama, awan pay ti komento ni Erwin Tulfo ken dagiti dadduma a pamilia Tulfo seknan iti nasao a banag.
