Imbasura ti Quezon City Regional Trial Court (RTC) ti petision nga impila ni Manases Carpio a mangkiddaw iti pannakaisardeng ti manarimaan nga impeachment proceedings kontra iti asawana a ni Vice President Sara Duterte.
Malaksid iti dayta, inlaksid metlaeng ti Quezon City RTC Branch 81 ti kiddaw ni Carpio a writ of preliminary injunction kontra kada Speaker Faustino Dy III, House committee on justice chair Batangas Rep. Gerville Luistro ken Bureau of Internal Revenue Commissioner Charlito Martin Mendoza.
Iti maika-lima a panid ti order a napetsaan iti Mayo 06 nga insurat ni Presiding Judge Madonna Echiverri, inwaksi ti RTC gapu iti kinakurang ti hurisdiksion ti petision ni Carpio.
Maipalagip a panggep ti petision a lapdan ti House justice pannel a mangipatungpal kadagiti subpoena ken mangituloy kadagiti aksyon a mainaig kadagiti impeachment complaints kontra kenni Vice President Duterte.
Daytoy ket kalpasan a nagkiddaw ti komite iti tax records ken dadduma pay a dokumento a maipagarup a nainaig iti Bise Presidente ken ti asawana.