BAGUIO CITY – Inbasura ti Supreme Court (SC) ti petisyon para iti panagbalin a legal wenno panakaipalubos ti same-sex marriage ditoy Pilipinas.
Inpila ti gay lawyer a ni Atty. Jesus Nicardo Falcis III ti petisyon tapno agbalin a ligal ti panagkallaysa ti agpada a lalaki ken agpada a babae.
Sigun kenni SC Associate Justice Marvic Leonen, maawatanda nga adu dagiti pakaseknan dagiti kameng ti LGBT community ngem ti laengen Kongreso ti mangtulong kadagitoy.
Sigun iti Korte, napaay ti kampo ni Falcis a mangilawlawag iti petisyon kabayatan ti oral argument ken saan daytoy a nakaipaay iti aktuwal ken justiciable controversy.
Inpila ni Falcis idi October 2015 ti petition a mangkidkiddaw iti panakaideklara kas iligal ti panakaipawil ti same-sex marriage iti Family Code.
