Naisubmitir ti petition iti sanguanan ti Commission on Elections para iti pannakakanselar ti Certificate of candidacy ni Apollo Quiboloy.
Baibasar iti maika-pito a panid ti petition nga impila ni labor leader Sonny Matula ken ti Workers’ and Peasants Party (WPP), awan ti kinaagpayso ken legal a naibasaran ti nominasion ni Quiboloy kas kandidato iti Workers’ and Peasants Party.
Kinuna pay ni Matula nga inaramid ti saan nga otorisado nga indibidual ti Certificate of Nomination and Acceptance (CONA) daytoy.
Maipalagip nga agtartaray ni Quibloy iti sidong ti Workers’ and Peasants’ Party (WPP) ngem pinaglibakan daytoy ni Matula a pinirmaanna ti candidacy form daytoy.
Inyunay-unay met ti Workers’ and Peasants Party (WPP) a saanda a kontra kadagiti religious leaders nga agkadidato para iti politika.
Nupay kasta, nainget a kontra dagitoy iti saan nga umiso a pannakausar ken pannaka-hijack ti nagan ti partidoda tapno mapatibker laeng ti kandidatura ti masya a kadidato, nangnangruna iti kaso ni Quiboloy.
Maipalip a nakompirmar itay nabiit a karaman iti listaan dagiti kwalipikado a kadidato para iti kina-Senador inton 2025 National and Local Elections ni Apollo Quiboloy iti baet ti nagtutuon a kaso a sangsangwen daytoy.
