--Ads--
BAGUIO CITY – Saan a karaman ti PhilHealth-Baguio kadagiti alegasyon ti korapsion iti ahensia a maim-imbestigaran ita sadiay Senado.
Impasigurado daytoy ni Mayor Benjamin Magalong kasaruno ti resulta ti panakipatangna kenni PhilHealth – Cordillera Regional Director Jerry Ibay mainaig iti maatap a nasaknap a korapsion a mapaspasamak iti nasao nga ahensia.
Kinunana nga awan ti pagdanagan ti publiko kadagiti empleyado ti PhilHealth ditoy lokalidad gaputa saanda a karaman kadagiti mapilaan ti nagtutuon a kaso.
