--Ads--
Madanagan ti Philippine Air Force (PAF) seknan iti report a panagadu ti foreign aircraft nga iligal a sumsumrek iti tangatang ti Pilipinas.
Sigun kenni Brigadier General Leo Fontanilla, komander ti 5th Fighter Wing ti Philippine Air Force (PAF) , marigatanda a mangbigbig dagiti nasion a nagtaudan dagitoy a sumsumrek iti tangatang a teritorio ti Pilipinas nga awanan ti permiso.
Posible a dagitoy ket military ken commercial aircraft, sigun iti nasao nga opisial.
Gapu iti limitado a kabaelan dagitoy, inaklon ni Fontanilla a saanda a mapasardeng iti kaaduan kadagiti ganggannaet nga eroplano a sumrek iti tangatang ti Pilipinas.
