Impakaamo ti Philippine Coast Guard a saanda nga agibales, iti laksid ti inaramid ti China a makapapatay a panagbomba ti water cannon iti dua a barko ti pagilian a Pilipinas, kabayatan ti humanitarian mission dagitoy iti west Philippine Sea itay nabiit.
Sigun kenni Commodore Jay Tarriela, panakangiwat ti Philippine Coast Guard, agtungpalda iti balakad ni President Ferdinand Marcos Jr. nga agtalinaeda a propesional ken saan nga agibales, tapno saan daytoy a rason a kumaro ti tension ken mangitunda ti giera iti gobierno ti China.
Maipalagip a napasamak ti panagbombo ti water Cannon, bayat ti panagpatrolia ken panakaisayangkat iti humanitarian mission a mangitulod iti lana ken taraon kadagiti mangngalap a Pilipino iti Panatag Shoal itay nabiit.
Nupay kasta, saan daytoy a nagbalin a lapped iti operasion ti nasao nga ahensia.
