Manamnama a protektaran ti Philippine Maritime Zones Law dagiti fishing areas iti paset ti West Philippine Sea apaman a maipakat daytoy kagiddan ti fishing ban nga insayangkat ti China idi laeng kalman.
Sigun kenni Majority Leader Francis Tolentino, makatulong daytoy kadagiti amin a fishing grounds iti intero a pagilian.
Gapu iti daytoy, impasigurado ni Tolentino kenni Bureau of Fisheries and Aquatic Resources (BFAR) Spokesperson Nash Briguera, ti seguridad dagiti mangngalap iti pagilian.
Impetteng ni Tolentino a makatulong ti Philippine Maritime Zones Laws agsipud ta addaan ti tumunggal maysa iti karbengan a mangipakat iti fisheries law, environmental laws ken dadduma pay.
Kabayatanna, pangpanggepen ni Tolentino nga agturong iti Masinloc iti baet ti fishing ban ti China tapno protektaran dagiti mangngalap sadiay.
Innayonna pay a kasapulan nga agsagana ti Philippine Coast Guard iti aniaman a tignay ti China.
