Guyguyuguyen ti Philippine Merchant Marine Academy ti publiko a makipaset iti PMMA entrance examination idiay Pines City National High School, Baguio ket idiay Zambales inton sabado, October 26, 2024.
Iti interview ti Bombo Radyo, dagiti qualification iti daytoy ket kasapulan a physically fit, 5.2 feet ti katayag para kadagiti lallaki bayat a 5.1 met kadagiti babbai.
Malaksid iti dayta, dagiti kwalipikado iti daytoy ket dagiti senior high school wenno 1st year college nga agtawen iti 17 agingga 23 years old.
Dagiti interesado a makipaset iti nasao nga examination ket mabalin laeng dagitoy nga agrehistro iti link iti mismo a social media page dagitoy.
Nupay kasta, no saan a nakapagrehistro dagitoy mabalin metlaeng ti walk-in inton sabado metlaeng no sadino kasapulan laeng nga agitugotda iti lapis, ballpen, papel, cellphone nga adda iti data-na tapno ma-acess ti link dagitoy kasta metten a kasapulan nga agbado dagitoy iti plain white t-shirt, pantalon ken rubber shoes.
Iti kanito a makapasa dagiti nakipaset iti daytoy, agdalanda metlaeng iti nagduduma a proseso kas ti physical test ken dadduma pay.
Impettengda metlaeng a dakkel ti benepisyo iti kanito a makastrek ti maysa nga indibidual iti nasao a kurso agsipud ta posible a dagus dagitoy a makastrek kas Philippine Navy ken dadduma pay.
Kabayatanna, ti met saklawen ti nasao nga eksaminasyon, ket kas iti basic math, english, science ken dadduma pay.
