Balligi a naipatungpal ti Philippine Military Academy Grand Alumni Homecoming 2025 iti Philippine Military Academy, Baguio City ita nga aldaw nga addaan iti tema nga Advocates of Tranformation: Cavaliers Leadership in Action.
Nagserbi kas kangrunaan a sangaili ni Alejandro Tengco chairman ken CEO ti Philippine Amusement and Gaming Corporation (PAGCOR).
Ti nasao nga alumni homecoming ket napateg a gundaway tapno agkakadwa manen dagiti nagbalin a paset iti institusyon ken tapno mabigbig dagiti naaramidan wenno kontribusyon dagiti PMA graduates iti nagduduma a tay-ak a sinerrekda.
Kasta met a nagserbi daytoy a gundaway tapno ad-adda pay a bumileg ti relasyon dagitoy.
Iti nasao nga edisyon iti Philippine Military Academy Grand Alumni Homecoming, dagiti classes a nagleppas iti 5 ken 0 ti nagserbi kas host.
Pinasetan met daytoy ti agarop 1711 a pamilya dagiti agarop 1000 nga Alumni pakairamanan ni PNP Chief Gen. Rommel Francisco D. Marbil, Mayor Benjie Magalong, Sen. Ronald Bato Delarosa, ken iti PAGCOR Chairman and CEO Alejandro Tengco kas guest speaker.
Nangrugi ti seremonya itay 9:30 iti agsapa ken nagleppas daytoy itay 12 iti pangaldaw.
Kagiddan ti homecoming, naangay metlaeng ti oathtaking dagiti baro a Philippine Military Academy Alumni Association Incorporated Board of Trustees ken ti awarding ti Lifetime Achievement Awardees, Cavalier Awardees ken Donning of Medallions to the Jubilarians, Diamond Jubilarians Class of 1965, Gold Jubilarians Class of 1975 ken Silver Jubilarians Class of 2000.//Bombo Jerwin Aquino & Bombo Noveh Organo
