Inlawlawag ti Philippine National Police (PNP) idi kalman a saanda paylaeng a nakaawat iti opisyal a kopya ti arrest warrant kontra kenni Sen. Ronald Dela Rosa manipud iti International Criminal Court.
Nupay kasta, sigun kenni Philippine National Police Chief General Jose Melencion Nartatez Jr. a nakasagana ti nasao nga ahensya a mangipatungpal iti mandato iti umno a proseso.
Immunan nga inlawlawag ti International Criminal Court (ICC) a saan pay laeng dagitoy a nangi-isyu iti baro a nga arrest warrant kontra iti nasao a senador seknan pay laeng iti pakainaiganna iti crimes against humanity a kaso ni sigud a president Rodrigo Duterte kas PNP chief idi administrasyon ti sigud a presidente.
Kabayatanna, impakaammo ni DILG Secretary Jonvic Remulla a mangipaulogda ita nga aldaw iti subpoena kontra kenni Sen. Bato Dela Rosa tapno sungbatanna dagiti agarup 100 a reklamo seknan iti extrajudicial killings a napasamak bayat iti panagtugawna kas PNP Chief ken Regional Chief idiay Davao. //bombokaren.c.s.
