Baguio City- Balligi a nakastrek ni Cordilleran Martial Artist Godwin Amos Langbayan iti Philippine Team ti Jiu-Jitsu a mangibagi iti pagilyan iti mapadpadaan a Southeast Asian Games a maipatungpal idiay Thailand intun Disyembre iti agdama a tawen.
Daytoy ket kalpasan a nagballigi ti Sambo fighter iti naipatungpal a Jiu-Jitsu Federation of the Philippines National Selection nu sadino nakaiyawed iti balitok a medalya iti Jiu-Jitsu Fighting System category.
Naituding a makisalip isuna ti 62kgs division iti maysa a “very unique” a kategorya ti Jiu-Jitsu.
Inlawlawagna nga aktibo latta isuna a miembro ti Philippine National Sambo Team ngem gapu ta awan ti combative martials arts a Sambo iti sumaruno nga edisyon ti SEA games ket pinadas na a makisalip iti Jiu Jitsu.
Ti Igorot fighter a ni Langbayan ket maysa laeng kadagiti mabigbigbig a black belt iti martials asts a Jiu Jitsu ken agdama nga agserserbi kas grappling ken ground game coach ti Lions Nation MMA. //Bombo Jordan Tablac
