Nangidonar ti Philippine Sports Commission babaen iti panangidaulo ni Chairman John Patrick Gregorio iti ₱20 Million cheque iti siudad ti Baguio.
Iti mensahe ni Gregorio, mamati daytoy iti leadership ti siudad iti mayor ken kadagiti iti sports programs iti syudad.
Impeksa na pay a ti nasao a cheque ket para iti pannakaituloy ti development ti athletic bowl.
Malaksid iti cheque, nangidonar metlaeng daytoy kadagiti bola a maipaay kadagiti nagduduma a babbarangay ti siudad.
Iti sabali a bangir, inyebkas ni Baguio City Mayor Benjamin Magalong a dakkel a banag ti indonar ti Philippine Sports Commission para iti pannakalepas ti Athletes Quarters.
Innayonna pay a nangisumitir daytoy ti program of works iti Philippine Sports Commission para iti rehabilitasyon ti swimming pool no sadino dumanon ti agarup ₱50 Million ti gatad a kasapulan daytoy.
Inlawlawag ni Mayor Magalong a mapagtutungtongan paylaeng nu kasano a makatulong ditoy ti nasao nga ahensya. Impeksa pay ti mayor a mapagbalin a regional center ti athletic center no sadino mabalin nga agensayo dagiti national athletes idiay malaksid iti mannarimaan a training area idiay Teacher’s Camp. //Bombo Noveh Organo
