Naobserbaran ti nakapuy a panagbettak ti Taal Volcano sadiay Batangas idi kalman, sigun iti Philippine Institute of Volcanology and Seismology wenno (PHIVOLCS).
Ti panagbettak ti Taal Volcano ket bimmayag iti pito a minutos ken tallo pulo ket siyam a segundo.
Kinuna ti United States Geological Survey (USGS) a ti panagbettak ti bulkan ket “steam-driven explosion” nu sadino mapaspasamak daytoy nu pimmudot ti magma iti ground wenno surface water.
Nu pay kasta, awan ti naireport a volcanic earthquakes.
Kabayatanna, ti plumes wenno asok daytoy ket addaan kangato a 1,800 meters bayat a paturong daytoy iti southwest.
Maipalagip nga idi Oktubre dise sais ket nangiparuar ti bulkan iti 1,577 a tonelada ti sulfur dioxide.
Iti agdama, adda iti Alert Level 1 ti taal Volcano.
Mabalbalaagan met ti publiko a maiparit nga umasideg ti anyaman a kita ti aircraft iti nasao a lugar.
