Kidkidawen ita ti pamilya ti maysa nga estudyante idiay India ti hustisya kalpasan a pimmusay ti 6-anyos nga anakda kalpasan a tinnungpa daytoy ti maestrana idi Agosto 21, iti agdama a tawen.
Sigun iti report, nakapungtot ti maestra ti ubing iti nakitana a kurang ti assignment ti ubing. Inayabanna ti ubing iti sango, ginuyodna ken tinnungpana daytoy.
Kalpasana, killaat a nagcollapse ti ubing ken naawanan iti puot.
Naitaray pay daytoy iti pagadalan ngem pimmusay metlaeng daytoy iti pagagasan.
Sigun iti ama ti ubing, nasalun-at ti anakda nga immuneg iti pagadalan ken awan ti an-anayenna.
Mannarimaan metten ti imbestigasyon dagiti kapulisan nu anya ti pudno a rason ti ipupusay ti ubing ken nu ada pakainaigan ti panangtungpa iti maestra iti ipupusay na.
Kabayatanna, sentro ti atensyon ita ti publiko ken otoridad idiay India ti kinaranggas ken physical abuse kadagiti pagadalan idiay India gapu iti napasamak. Addu ti nangiyebkas iti pungtotda ken panangbabalaw iti napasamak iti nasao a biktima.