--Ads--
BAGUIO CITY– Rumbeng a masurot latta ti physical distancing uray iti uneg ti pagtaengan nangruna kadagiti frontliners ken dagiti indibidual a kanayun a rumrumuar kadagiti pagtaenganda.
Sigun ken Dra. Donna Tubera- Panes iti City Health Services Office, dakkel a tulong daytoy tapnu maliklikan ti posible a panagwaras ti covid-19 virus iti uneg ti pagtaengan.
Ibalbalakadna nga agingga a mabalin ket rumbeng a maliklikan ti panagsasango a mangan dagiti agkakabbalay no addaanda iti miyembro a kanayon a rumrumuar manipud iti pagtaengan dagitoy.
Irekrekomendarda ti opisyal ti panagsisinnublat a mangan dagiti miyembro iti pamilya tapno maipanamnama ti tallo a kadapan a distansiya iti tunggal maysa kadagitoy kas maibasar iti pannagadal dagiti eksperto.
