Naiyawiden idiay Kolambogan, Lanao del Norte ti bangkay ti maysa a Pilipina a karaman kadagiti pimmisay gapu iti missile attack idiay Haifa, Israel idi Abril 5.
Nabigbig ti Pilipina a ni Lucille Jean Olasiman Gersovich.
Sigun iti ina daytoy a ni Lucita Olasiman, naladingitanda launay iti naipadamag kadakuada ti napasamak.
Inlawlawag metlaeng ti nasao a pamilya a saan a nurse ni Lucille ket inmakar laeng daytoy idiay Israel innem a bulan ti napalabas kalpasan a nagkalaysa da iti asawana nga Israeli a naamammona idiay Cebu.
Sigun iti report, napapatay metlaeng iti nasao nga insidente ti asawa ken biyanan ti Pilipina.
Kabayatanna, sumagmamano tao manipud iti embahada ti Israel ti nangbisita iti lamay ti Pilipina tapno makipagrikna ken mangipaay ti tulong iti naulila a pamiya.
