Manamnama nga agpinnirma ti pagilian a Pilipinas ken iti Japan iti reciprocal access agreement a mangipalubos iti Philippine Armed Forces ken iti Japanese Self-Defense Force a mangsanay iti tumunggal maysa inton Hulyo, iti agdama a tawen.
Sigun kenni Defense Secretary Gilberto Teodoro Jr. , ti Reciprocal Access Agreement (RAA) iti nagbaetan dagiti dua a pagilian ket panggepna a masigurado ti seguridad dagiti tumunggal maysa kontra kadagiti saan a nasayaat nga insidente.
Gapu iti daytoy, manamnama a maangay ti bilateral meeting inton Hulyo no sadino manamnama a makipaset ditoy da Japan Defense Minister Minoro Kihara, Foreign Affairs Secretary Enrique Manalo, ken Japan Foreign Minister Yoko Kamikawa.
Maipalagip nga immunan a napagtungtungan da President Ferdinand “Bongbong” Marcos Jr. ken Japanese Prime Minister Fumio Kishida ti nasao a katulugan idi Nobyembre idi napalabas a tawen.
