Panggep ti gobierno ti Pilipinas a maideploy ti dadduma pay a barko idiay Escoda Shoal kas kasukat ti BRP Terersa Magbanua kalpasan a naikkat daytoy iti ngudo idi napalabas a lawas, sigun iti Philippine Coast Guard (PCG) ita nga aldaw ti Lunes.
Kinuna ni Commodore Jay Tarriela, pannakangiwat ti PCG for the West Philippine Sea a saan nga agbaya ti ti pannakaideploy ti barko iti nasao a lugar kalpasan a nadamag nu kaano a maideploy ti barko idiay Escoda Shoal iti baet a posible a mangisayangkat ti China iti “reclamation” iti tengga nga awan ti presensia ti barko iti nasao a lugar.
Ngem sigun kenni Tarriela, agtuloy latta ti presensia dagiti kameng ti PCG idiay Escoda Shoal.
Maipalagip nga idi Domingo, naikkat ti BRP Teresa Magbanua manipod idiay Escoda Shoal gaputa kukuwastunaren dagiti sumagmamano nga opisial ti kinapategna, kinaawan ti suplay ti crew ken ti saan a nasayaat a kasasaad ti panawen.
Para kenni Tarriela, natungpal ti BRP Teresa Magbanua ti missionna a manglapped iti China a mangisayangkat kadagiti “reclamation activities” ken mangsalaknib iti aglawlaw ti baybay iti Escoda Shoal.
Ti BRP Teresa Magbanua ket nakaistasion idiay Escoda Shoal sipud pay idi Abril iti baet ti report ti China a “reclamation activities” iti nasao a lugar.
Masarakan ti Escoda Shoal wenno maaw-awagan metlaeng a Sabina Shoal iti 75 nautical miles wenno agarup 140 kilometers manipud iti Palawan ken adda iti uneg ti 200-nautical-mile exclusive economic zone (EEZ) ti Pilipinas.
