Impakaamo ti Philippine Embassy idiay Yangon, Myanmar ken Thailand nga awan ti Pilipino a pimmusay iti napasamak a napigsa a ginggined ita a Biernes.
Nainget ti panangmonitor ti embahada ti Pilipinas sadiay Yangon iti epekto ti ginggined, nga agingga ita ket kunada nga awan ti pimmusay kadagiti mapattapatta a 811 a rehistrado a Pilipino nga agnanaed ken mangmangged idiay Myanmar.
Impeksa met ti Philippine Embassy idiay Thailand nga awan ti naireport a nadangran wenno naapektaran iti ginggined.
“As of this time, there have been no reports of Filipinos harmed or affected by the earthquake.”
“The Embassy advises Filipinos in Thailand to remain calm and vigilant, as well as monitor updates from credible and verifiable sources of information.”
Philippine Embassy-Thailand
Idiay met Laos, impadamag met ti Philippine Embassy nga awan ti naapektaran a Pilipino sadiay, ngem maibalakad nga agtalinaedda a nasiput mainaig iti ginggined.
Sigun iti United States Geological Survey (USGS), adda ti kapigsa a 7.7 magnitude ken kauneg a 10 km (6.2 miles) ti napasamak a ginggined.
Sinnaruno pay daytoy ti napigsa nga aftershock.
Ti sentro ti ginggined ket adda iti 17.2 km manipod iti Mandalay, Myanmar nga addaan ti populasion a 1.5 milion.
