Nagballaag ni House Human Rights Committee Chairman at Manila Rep. Bienvenido “Benny” Abante Jr. a mabalin a nga aramaten dagiti dadduma a pagilian dagiti Pilipino kas espiya nangnangruna dagiiti ubbing.
Sigun kenni Representative Abante, mabalin a maaramat ti edukasyon ken pinansyal a suporta tapno maimpluwensyaan dagiti ubbing ken mabalin a maaramat daytoy tapno makaalada iti sensitibo nga impormasyon.
Imbutaktakna daytoy bayat a taltalantanen dagiti mammanday-linteg ti gakat a New Espionage Act, a mangpangpanggep a pagbalinen a moderno dagiti linteg kontra iti espionage, pakairamanan ti cyber activities ken surveillance.
Impettengna metlaeng ti kinapateg ti panangpapigsa iti kabaelan ti linteg a mabigbig dagiti pudno nga espionage bayat a masalsalakniban ti karbengan ti maysa nga indibidual.
