Makikokoordinar ti Philippine consulate sadiay Los Angeles iti Sheriff’s department tapno maamoan nu adda ti Pilipino wenno Filipino American a naapektaran iti mapaspasamak a wildfire sadiay Franklin, Malibu, Los Angeles, California.
Maibasar iti advisory, dagus a naballaagan dagiti amin a tattao nga asideg iti napasamakan iti wildfire a dagus dagitoy nga agbakwit kas bilin dagiti otoridad.
Ti nasao nga uram ket intuloyna nga agramaram nu sadino dakkel a bilang dagiti Pilipino ti naapektaran sadiay.
Dumanonen iti 13-K a residente ti nagbakwit a pakairamanan dagiti celebrities bayat nga agarup 12-K nga ektarya ti nauram.
Agarup 1, 500 met a firefighters ti naideploy a mangsebseb iti nasao nga uram.
Dagiti celebrities nga agnanaed sadiay Malibu nga addan a nagbakwit ken pakairamanan da Barbra Streisand, Julia Roberts, Lady Gaga, Beyoncé, Jay-Z ken daduma pay.
Iti agdama, manarimaan ti imbestigasyon nu anya ti rason ti wildfire.
