Dumanon iti 32 a tattao ti kumpirmado a pimmusay gapu iti epekto ti Habagat, bayo a Luis, Maymay, ken Neneng iti pagilian.
Malaksid iti dayta, dumanon iti agarup 8 million a tattao ti apektado iti intero a pagilian.
Maibasar iti kaudian a datos ti Office of the Civil Defense, dumanon iti 15 nga indibidual ti pimmusay iti probinsiya ti Benguet ken siudad ti Baguio; innem sadiay Rizal; sag-dua sadiay Occidental Mindoro ken Caloocan; sag-maysa sadiay La Union, Quezon, Oriental Mindoro, ken Negros Occidental.
Kabayatanna, dumanun iti 19 dagiti nadangran bayat a mapukpukaw paylaeng dagiti tallo nga indibidual sadiay Quezon City, Manila ken Batangas.
Iti agdama, 25,800 kadagiti apektado ti agnanaed kadagiti evacuation centers.
Gapu iti dakes sasaaden ti panawen, naideklara ti state of calamity iti 117 a local government units iti pagilian.
Naipaay metten ti agarup P1.65 billion a tunglong para kadagiti amin a naapektaran.