Kinumpirmar ti Philippine National Police (PNP) a dumanunen iti 27 ti pimmusay, 18 ti nadangran ken dua ti mapukpukaw gapu iti agtultuloy nga epekto ti southwest monsoon ken bagyo iti pagilian.
Maibasar iti datos ti ahensiya, dumanon iti 55 a tattao ti naispal bayat a 14,437 dagiti agnanaed kadagiti nagduduma nga evacauation centers iti pagilian.
Manipud iti 34,661 evacuation centers, 244 dagiti okupado.
Kabayatanna, naiwaras ti 166 a personnel ti PNP kadagiti 117 nga evacuation centers tapno maasistaran dagiti apektado a komunidad.
Malaksid iti dayta, nangiwaras metlaeng ti 10,785 a personnel ti Reactionary Standby Support Force kas paset ti panagresponde ti gobierno.