--Ads--
Dumanonen iti nasurok a 3,300 nga indibidual ti pimmusay iti napasamak a gingined idiay Myanmar, kas maibasar iti datos a nairuar ti maysa nga state media sadiay.
Nailista pay dagiti otoridad ti nadangran nga indibidual a dumanon iti 4,508, bayat a 220 ti mapukpukaw.
Nasurok a makalawas kalpasan ti didigra, adu pay laeng a tattao iti nasao a pagilian ti awanan iti pagkamangan, a mapilitan a maturog iti ruar gaputa nadadael dagiti pagtaenganda wenno agannad iti ad-adu pay a pannakarba.
Patta-patta ti United Nations a nasurok a tallo a million a tattao ti naapektaran iti 7.7 magnitude earthquake.
Agkidkiddaw met ti chief ti United Nations iti sangalubungan a tumulong iti nasion a nakapasamakan ti didigra.
