Ngimmato iti uppat a pulo ket siam dagiti pimmusay gapu iti pertussis, bayat a dimmanon iti 862 ti bilang dagiti nairekord a kaso iti pagilian manipud Enero a uno agingga iti Marso baente tres iti agdama a tawen.
Kangatuan a bilang dagiti nairekord a kaso ti nasao a sakit iti Mimaropa nga addaan ti 187; National Capital Region (NCR) a 158; Central Luzon nga addaan ti bilang a 132; Central Visayas a 121 ken iti Central Visayas a 72.
Sigun iti nasao nga ahensia, dagiti maladaga ti kangatuan ti nailista a bilang a dumanon iti 77 a porsiento , nu sadino 66 a porsiento kadagitoy ti saan a nabakunaan.
Maibasar ipay iti datos ti Department of Health (DOH), nangatngato daytoy iti tallo pulo a daras no idilig kadagiti inmuna a nairekord a kaso iti isu metlaeng a petsa, idi napalabas a tawen.
Kabayatanna, impasigurado ti nasao a departamento nga agtultuloy ti panangmonitor ken panagtignayda iti panagadu a kaso ti nasao a sakit.
