--Ads--
Impablaak ti Philippine Drug Enforcement Agency nga awan pay ti pinal a resulta iti imbestigasionda iti mapapati a drug personality a ni “Sammy Uy,” uray nabayagen daytoy a naisayangkat.
Sigun kenni PDEA spokesperson Joseph Frederick Calulut, agtultuloy paylaeng ti panagberipikarda kenni Uy, nangruna ta kadawyan ti nasao a nagan ken posible nga ar-aramaten metlaeng iti dadduma.
Kimmaro ti isyu kalpasan nga imbutaktak ni sigud a senador Antonio Trillanes IV a mapapati a nakaawat iti P181 milyon ni Vice President Sara Duterte ken ti pamiliana manipod kenni Uy, a mainaig iti iligal a droga.
Innayon pay ti PDEA nga agtultuloy metlaeng ti imbestigasion ka da Michael Yang ken Peter Lim seknan iti nasao nga isyu.
