Inlawlawag ni Police Lieutenant Miden Guinto, panakangiwat ti Police Community Precinct 1 iti La Trinidad Municipal Police Station ti panakaipatungpal ti pilot testing ti two way iti Pines Bridge idiay La Trinidad, Benguet.
Sigun kenni Guinto, naipatungpal ti pilot testing, gapu iti kiddaw dagiti komunidad ken naangay ti konsultasion iti publiko sakbay a naipatungpal daytoy.
Pangep ti pilot testing a maamuan ti pagsayaatan ti panakaipatungpal ti two way scheme iti nasao a kalsada.
Nupay kasta kalpasan ti panangsukimat, naisubli iti sigud a one way ti Pines Park Bridge kalpasan a naobserbranda a nangintunda daytoy iti trapiko nangruna iti Halsema Highway.
Iti panakiyuman ti Bombo Radyo iti nasao nga opisyal, kinunana a kangrunaan nga inkonsiderarda ti Halsema highway a naapektaran bayat ti panakaimapatungpal ti pilot testing.
Iti agdama, silulukat laeng ti pines bridge para kadagiti sumrek ken rumwar dagitoy iti Balili Road.//mp4
