BAGUIO CITY – Agtultuloy ti civil war a mapaspasaran sadiay Libya.
Iti pannakiyuman ti Bombo Radyo kenni Elmer Cato, Charge d’ Affaires En Pied ken Head of Mission ti embahada ti Pilipinas sadiay Libya, kinunana a a nagsisinnaruno ti rinnupak a mapaspasaran sadiay kas ti panagpinpinnaltog, panagbettak dagiti bomba, panangipatayab ti rockets ken dadduma pay.
Imbinglayna nga itay laeng kanikadua ket nairaman ti panagbettak ti maysa nga airport sadiay ngem awan met ti nadangran a Pilipino iti nasao nga insidente.
Kinunana pay nga idi metlaeng napalabas a rabii ket bimtak ti naipatayab a rockets iti ruar ti embahada ti Turkey ken ti pagilian nga Italy.
Gapu iti daytoy, kinunana nakaro a naapektaran ti panggedan dagiti Pilipino sadiay gapu iti agtultuloy a rinnupak iti nasao a pagilian.
Kinunana a nakaro a naapektaran dagiti Pilipino a mangmangged iti oil sector kalpasan iti pannakaiparikep dagitoy.
Dinakamat ni Cato a nangrugi ti civil war sadiay Libya idi 2011 agingga a naipasidong ti pagilian ti Alert Level 4 gapu iti nakaro a rinnupak sadiay.
Inayunnna a napaawid metten dagiti OFWs sadiay a nagkiddaw ti repatriation gapu iti agtultuloy a gubat sadiay ken kinunana nga adda ti 35 a pending request gapu paylaeng ti pannakaipasardeng ti regular flights.
Impettengna a dakkel ti epekto ti civil war kadagiti Pilipino sadiay ken ti ekonomiya ti Libya.
Nupay kasta dinakamatna a sakbay ti napasamak a civil war iti nasao a pagilian ket maysa a tourist destination ti Libya.
