Maur-uray laengen ti pirma ni President Ferdinand Marcos Jr tapno naan-anayen a linteg ti pannakaipaay ti P10k nga allowance dagiti public school teachers tunggal tawen.
Daytoy ket kalpasan a pinirmaan ti senado iti maikatlo ken pinal a pannakaibasana ti Senate Bill 1092 wenno ti Teaching Supplies Allowance Act of 2020.
Nasurok 800,000 a public teachers iti pagilian ti manamnama nga agnumar iti daytoy iti kanito a pirmaan ti presidente.
Iti agdama ket P3,500 ti allowance dagiti public school teachers tunggal tawen wenno P16 tunggal aldaw.