Dumanon iti pito a pamilya ti naapektaran iti napasamak nga uram idiay #34 Labsan St., Kayang Extension, Baguio City pasado alas syete itay agsapa.
Maibasar iti imbestigasyon, ti rason ti uram ket gapu iti nabaybay-am a kandila.
Sigun kenni Angel Michael David, barangay kagawad ti Kayang extension, impakaamona nga amin dagiti pamilya a naapektaran ket adda iti nasayaat a kasasaad.
Kinunana a tallo a pamilya a buklen ti pito nga indibidual ket agnaed pay iti barangay hall bayat a dagiti lima a pamilya ket makinaed kadagiti kabagyan dagitoy.
Nangipaay met ti City Social Welfare and Development Office iti food packs, hygiene kits, family kits ken kitchen kits kadagiti pamilya a naapektaran ken nangipaay ti Local Government Unit iti finacial assistance a dumanon iti P10-K kadagiti nadangran nga indibidual.
Iti sabali a bangir, kinomendarran ti Bureau of Fire Protection – Baguio City Fire Station dagiti residente gapu iti panakitinulongda tapno masebseban ti uram.
