--Ads--
BAGUIO CITY- Agtultuloy a bambantayan ti Cordillera Regional Peace and Order Council (RPOC) dagiti lugar iti rehiyon a nailista kas Areas of Concern.
Iti kaunaan a report ti pulisya, pito a lugar iti Cordillera ti naipasidong kas Areas of Concern para iti 2022 Local ken National Elections.
Sigun iti Chairman ti Cordillera RPOC, tuttutukan ita ti pulisya ti probinsya ti Abra nangruna ta siguden a nailista daytoy kas hotspot tunggal eleksyon.
Kinunana a kontrolado ita dagiti pulis ti Abra ti agdama a sitwasyon ken manamnama a magun-od ti linak ken kappia iti nasao a probinsiya.
Immuna metten nga impanamnama ti militar a pagtalinaedenda ti Cordillera kas “generally peaceful” kabayatan ti eleksyon.
