BAGUIO CITY – Natiliw dagiti pito a suspek iti naipatungpal a buy-bust operation sadiay Quirino Hill, Baguio City itay nabiit.
Nabigbig dagitoy a da Lyca Ananayo Kimmayong a.k.a. Celia Kimmayong, 32-anyos; Nhap Gilbert Bulayang Duyan, 31-anyos; Thum Claude Baddan Gadang, 21-anyos; Maribel Parica Ofiana, 50-anyos; Norilyn Bermudez Bayawoc, 46-anyos; Jacky Bernardino; ken Norben Cagang Ablania, 38-anyos.
Nakumpiskar manipud kadagitoy ti innem a pakete ti maatap a shabu nga agdagsen iti maysa a gramo ken aggatad iti P6,800; maysa a block ti marijuana nga agdagsen iti 600 grams ken aggatad iti P72,000, nagduduma a drug paraphernalia; buy-bust money ken daduma pay.
Naiturong dagiti natiliw a suspek ken dagiti nakumpiskar nga ebidensiya iti kustodiya ti PDEA-Benguet para iti dokumentasyon ken umno a disposisyon.
