Pimmusay ti pito nga indibidual bayat a nadangran ti tallo pulo a katao kalpasan ti panagbettak ti pharmaceuticals manufacturing plant sadiay India, sigun kadagiti otoridad.
Ti nasao nga uram ket napasamak iti malem idi kalman iti maysa a manufacturing unit a nangrugi nga operational manipud tawen 2019 iti Anakapalli district.
Sigun kenni district collector Vijaya Krishnan, dagus a naiturong dagiti biktima iti ospital bayat a naisayangkat ti inisyal nga imbestigasyon para iti panakaduktal ti rason ti uram.
Innayon ni Krishnan a dumanon iti lima a fire truck ti nagresponde iti napasamak nga uram.
Maipalagip nga idi napalabas a tawen ket pimmusay ti dua nga indibidual bayat a nadangran ti lima a katao iti kapada nga insidente a napasamak iti maysa metlaeng a pharmaceutical unit.
