Prayoridad ni Benguet Governor Melchor Diclas ti pannakaileppas dagiti manarimaan a construction ti tallo nga ospital iti nasao a probinsya.
Sigun kenkuana, madama paylaeng ti pannakaisimpa ti Benguet General Hospital, Kapangan District Hospital, ken Abatan District Hospital.
Malaksid iti dayta, nakunana a nayunanna ti pannakaipasdek dagiti nagduduma a dialysis centers iti probinsya ti Benguet tapno matulungan dagiti ag di-dialysis a Benguet residents.
Mangnamnama daytoy a maileppas dagiti nasao a pasilidad kalpasan ti dua a tawen tapno fully functional amin dagiti nasao nga ospital intun 2028.
Iti baet a prayoridadna ti health sector, impeksa met daytoy a saanna a baybay-an dagiti dadduma pay a sektor kas kadagiti infrastructures, kalsada, ken social services.
Mainaig iti dayta, iti kinaado wenno kinadakkel ti bilang dagiti indibidual a nagbotos kenkuana, inyebkas daytoy a ti serbisyona ti wagas tapno maisublina kadagiti taga Benguet ti suporta ken talek dagitoy kenkuana.
Gapu iti dayta, inyebkasna ti panagyamanna kadagiti amin a supportersna ken kadagiti amin a timmultulong kenkuana para iti pannakaipatungpal dagiti programna iti probinsya ti Benguet bayat ti termino daytoy kas Governor.
Kabayatanna, naiyebkas ti nasao nga opisial ti pannakadismayana agsipudta saan a balligi ti pannakaiproklama ni Congressman Eric Go Yap.
Nupay kasta, mangnamnama daytoy nga ma-iproklama ti Congressman iti kabiitan a panawen. //Bombo Genzel Depayso
