--Ads--
BAGUIO CITY – Nadiskobre dagiti otoridad ti maysa a plantasion ti marijuana sadiay Sitio Lebeng, Catlubong, Buguias, Benguet idi Lunes, April 13.
Maibasar iti report ti pulisya, nadiskobre ti Benguet Provincial Mobile Force Company ti nasao a plantasion kalpasan ti panangdadaelda iti iligal a cockpit ring iti nadakamat a lugar.
Pinarot ken inuram dagiti otoridad ti agarup 80 a fully grown marijuana plants a naimula iti 20 nga square meters a lote.
Aggatad dagitoy iti mapattapatta a P16,000.
Awan ti cultivator a nakemmeg dagiti otoridad kabayatan ti eradication.
