--Ads--
BAGUIO CITY – Agtultuloy nga umaw-awat iti bisita wenno turista ti Philippine Military Academy iti baet dagiti nagduduma nga aktibidad dagitoy a nakalinya ita nga bulan.
Iti interview ti Bombo Radyo Baguio kenni PMA Spokesperson 1LT. Christine Mae Calima, kinunana a nasken nga iplano dagiti turista wenno bisita ti panagturongda iti akademya.
Inyunay-unayna a nasken nga agrehistro dagiti bisita iti bisita.pma.edu.ph tapnu makaalada iti QR Code a nainget a masukimat sakbay a makastrekda iti uneg ti akademya.
Agtaltalinaed met nga 300 ti maximum a bilang ti bisita nga iakomodar ti akademya tunggal aldaw ken nainget a maiwanawan ti panagbisita iti akademya.
