Pormalen a nagleppas ti 38 a tawen a panagserbi ni PMajor General Benjamin Macli-ing Lusad iti Philippine National Police (PNP) idi December 31, 2019.
Naipaayan daytoy iti Retirement Honors iti regional headquarters ti Police Regional Office Cordillera (PROCOR) sadiay Camp Major Bado Dangwa, La Trinidad, Benguet.
Nagserbi daytoy kas a dadaulo ti Special Action Force, ti elite force ti PNP.
Binigbig met ti PROCOR ti outstanding leadership nga impakita ni Lusad kabayatan ti kaaddana iti serbisyo.
Nangrugi ti military service ni Lusad sadiay Camp Bado Dangwa kalpasan a nagturpos iti Ranger School idi 1985.
Miembro daytoy ti Philippine Military Academy Class 1985 ken nagserbi a dadaulo ti Benguet Provincial Police Office a nakabigbigan ti opisina kas Best Police Provincial Office iti entero a Cordilleras idi 2010.
Rinugianna met ti outreach activities para kadagiti ubbing iti Benguet babaen iti “Help A School Program”.
