Nagpakdaar ti Anti-Cybercrime Group ti Philippine National Police iti publiko kontra iti maysa nga account ti messaging application nga agpampammarang a daytoy ket Anti-Cybercrime Group ken mangidiadiaya ti panangipila ti kaso ken pannakaisubli ti scammed money.
Iti social media post ti pudno nga Philippine National Police- Anti-Cybercrime Group, impakitada a ti fraud account ket kapada ti nagan nga “Anti Cyber Crime.”
Mangipapaay daytoy ti mapapati nga investment scam a mangrugi manipod iti P2,000 agingga P10,000.
Ti “fraud account” ket mangipatulod ti link iti biktima a mangiturong kadakuada a mangpartuat ti account iti agnagan ti “rajesh.”
Maibilin pay iti biktima a mangipatulod iti screenshot iti account da iti Anti Cyber Crime messaging application account.
Sigun iti National Police- Anti-Cybercrime Group, saanda a nagaramid ti kita ti nasao a transaksion.
Inlawlawagda pay a saanda nga umaw-awat dagiti bayad wenno mangiforward dagiti kaso kadagiti abogado.
Gapu iti dayta, guyguyuguyenda ti publiko nga umawag wenno personal a sumarungkar iti opisina ti National Police- Anti-Cybercrime Group para kadagiti pakaseknanda.
