--Ads--
BAGUIO CITY – Limed a simmarungkar ni Philippine National Police Director General Ronald ‘Bato’ dela Rosa ditoy siudad ti Baguio ken sadiay Itogon, Benguet idi kalman.
Sigun kadagiti pulisya iti lokalidad, simmangbay ditoy siudad ti PNP Chief kadwana ti pamilyana.
Nagturong dagitoy iti nalatak a Burnham Park ken nagbisikleta pay ti opisyal sadiay Lake Drive.
Kalpasanna ket nagturong ti PNP Chief sadiay Philex Mines, Itogon babaen iti motorsiklo.
Naamuan nga awan ti special convoy ni PNP Chief Bato iti panagsarungkarna ditoy lokalidad gaputa sorpresa ti nasao nga aktibidad daytoy.
Maipalagip a naituding nga agretiro ni Dela Rosa ita a bulan ti Enero ngem nailaylayon iti tallo a bulan ti panagtakemna kas kangatuan nga opisial ti PNP.
