Inaklon ti Philippine National Police Criminal Investigasion and Detection Group a (PNP-CIDG) a marigatan dagitoy a mangbiruk kenni sigud a presidential spokesperson Harry Roque tapno maiserbi ti warrant of arrest kekuana.
Sigun kenni Philippine National Police Criminal Investigation and Detection Group (PNP-CIDG) spokesperson Police Lieutenant Colonel Imelda Reyes, dagus nga umik-ikkat ni Roque iti paglemlemmenganna apaman a naduktalan dagiti otoridad.
Nupay kasta, kinuna ti nasao nga ahensia nga addan ti impormasionda iti posible a paglemlemmengan ni Roque ngem saanda nga impablaak tapno saan nga umakar manen daytoy.
Impasigurado met ti Bureau of Immigration a karaman ni Roque kadagiti immigration watchlist tapno maliklikan ti panagtalawna iti pagilian.
Kabayatanna, kinuna ti baro nga Interior Secretary Jonvic Remulla nga awan ti nilabsing ni Roque a linteg ngem na-cite in Contempt daytoy iti Senado.
Gapu iti dayta, saan a maibilang daytoy a fugitive wenno immikkat tapno liklikanna ti pannakatiliw na, no diket maibilang daytoy kas person of interest a nasken nga agparang.
Maipalagipnga impaulog ti House Quad Committee ti contempt ken detention orders kenni Roque gapu iti mapapati a pakainaiganna iti ilegal nga aktibidad ti Philippine offshore gaming operators (POGO) ken dadduma pay.
