Impalagip ti Philippine National Police-Civil Security Group (PNP-CSG) ti publiko nga agkedked nga agaramat kadagiti maiparit a paputok iti masungad a panagrambak ti baro a tawen tapno maipasigurado ti kinatalged ken panagtungpal iti linteg.
Impaganetget ti Philippine National Police-Civil Security Group (PNP-CSG) ti nainget a pannakaipatungpal ti Executive Order 28 ken Republic Act 7183, a mangregulate iti panagaramat iti firecracker.
Nakalanad iti nasao a pammilin ken linteg ti pakabuklan a dua pulo ket walo a paputok a naipawil pakairamanan ti Watusi, Piccolo, Five Star (Bog), Pla-Pla, Lolo Thunder, ken dadduma pay a naisangsangayan a paputok a kas ti Super Yolanda ken Gooby Chismosa.
Indagadag dagiti kameng ti pulisia kadagiti indibidual a pilienda dagiti natalged nga alternatibo kas iti community fireworks displays.
Sigun kadagiti agilaklako ti paputok nangruna iti kalatakan a pagatgatangan idiay Bocaue, Bulacan, naobserbaran a bassiten dagiti gumatgatang iti agdama a tawen nu idilig idi napalabas a tawen.
Inrekomendar ti Philippine National Police ti pannakipaset kadagiti community fireworks displays imbes a mangpuor iti paputok iti pagtaengan, nga impaganetgetna a daytoy ti kataltalgedan a wagas a panangrambak iti Baro a Tawen.
