Idagdagadag ti Philippine National Police (PNP) iti publiko nga ireportda dagiti kandidato ken supporters a saan a nagtungpal iti pagalagadan ti Commission on Elections (COMELEC) a maiparit ti panagkampanya iti Maundy Thursday ken Good Friday.
Maibasar iti Comelec resolution, maibilang nga election offense ti panagkampanya ken pannakaisayangkat ti partisan political activities kabayatan ti Holy Week.
Impetteng ti nasao nga ahensia a dagus nga ireport iti kaasitgan nga station wenno babaen iti Philippine National Police social media channels ken hotlines dagiti naglabsing iti nasao a pagalagadan.
Kabayatanna, kinuna ti PNP a nainget ti pannakipagtrabaho dagitoy iti Commission on Elections.
Nagiwaras metlaeng dagitoy iti team a mangmonitor iti panagtungpal dagiti kadidato ken supporters iti pagalagadan ti panagkampanya.
