--Ads--
BAGUIO CITY – Balbalakadan ti pulisya ti publiko nga agtalinaedda a naridam ken nasipot kontra kadagiti nagduduma a wagas ti panagtakaw.
Sigun kenni P/Maj. Eddie Bagto, dadaulo ti BCPO-Station 9, kasaruno daytoy ti napasamak a panagtakaw sadiay Irisan, Baguio City itay kallabes.
Kinunana a karaman kadagiti wagas nga ar-aramiden dagiti suspek ket ti panagpammarangda a kostumer nga agpabpabukel iti kuarta ngem kurang gayam a barya ti ipaay dagitoy kadagiti biktimada.
Gapu iti daytoy, inyunay-unay ni Pol/Maj. Bagto a masapul nga alerto ti publiko nangruna dagiti natataengan.
Inayonna a napateg ti pananglitrato kadagiti mapagduaduaan nga indibidual ken dagusda nga iyuman daytoy kadagiti otoridad.
