Naipasidong itan iti heightened security status ti Philippine National Police(PNP) idiay Metro Manila ken kadagiti daduma pay a lugar iti pagilian para iti panakasarabo iti Chinese New Year ita nga aldaw.
Sigun kenni Philippine National Police(PNP)chief Police General Jose Melencio Nartatez Jr., impatungpalda dagiti kaskenan a panagsagana para iti nasao nga aktibidad.
Karaman iti daytoy ti panakaideploy dagiti kameng iti pulisya para iti crowd management ken anti-criminality patrols tapno masigurado ti kinatalged ti Filipino-Chinese community ken ti publiko a makikaykaysa iti nasao a pasken.
Impanamnama ni Nartatez Jr. nga iyimplimintar ti kapulisan ti maximum presence posture partikular iti Binondo ken daduma pay a lugar wenno disso a manamnama ti nadagsen a gunay iti trapiko ken pagdadapunan dagiti tattao.
