Nangisagan ti Philippine National Police iti kuarto iti PNP General Hospital para kenni sigud a House Speaker ken Leyte 1st District Representative Martin Romualdez, iti kanito a patganda nga agtalinaed iti sidong iti hospital detention.
Sigun kenni PCol. Allen Rae Co, makikikoordinarda metlaeng kadagiti doktor iti PNP iti Cardinal Santos Medical Center para iti independent health assessment kenni Romualdez tapno maduktlan nu kabaelanna a sumango iti Sandiganbayan.
Natiliw ni Romualdez idi Lunes iti Cardinal Santos Medical Center kalpasan a nakasuan iti P7.4 bilion a plunder seknan iti mapapati a kickback scheme kadagiti flood control project.
Kabayatanna, kinuna iti Office of the Ombudsman a tubngarenda ti mosion para iti hospital detention.
Impaganetgetna a rumbeng a sukimaten dagiti government doctors nu kasapulan iti confinement wenno mabalin a maagasan ni Romualdez bayat nga adda iti regular detention facility
